الجزء الخامس
مرام وهي جالسه تفكر .. لو قتلت ماجد ورويدا راح تصير مشكله ؟ ماجد خلاص راح اتصرف معه .. رويدا ماراح اقتلها راح اعذبها بس ..
اتصلت على ماجد : السلام عليكم ..
ماجد : وعليكم السلام.. وش تبين ؟انا قلت لك اللي بيننا انتهى ..
مرام: وانا فكرت في كلامك .. بس ابيك تجيني الشقه ..ابي اتكلم معاك ما ينفع في التلفون ..
الشيطان يوسوس : روح انت شخسران ..روح وشوف اشتبي ..
طبعا الشيطان ما يسمعه ماجد بس يوس وس له بدون ما يحس مثل كل الناس ..
ماجد بعد ما فكر : خلاص اجيك بس اي كلام ما يعجبني بقوم اطلع ..
مرام: خلاص ...............
بعد ربع ساعه ماجد في بيت مرام ..
مرام بصوت يدعي البراءه والتوبه : انا فكرت في اللي كلامك عدل ..وفكرت ان ارواح الناس مو لعبه بيدي وفكرت في الحلال والحرام ..وشفت ان الطريق اللي ماشيه في غلط ..حبيت اصلح بعض الامور بحياتي ..وقررت اترك هالشقه .. واترك الشباب ..
ماجد ابتسمالمسكين صدق ..صج ثعبان هالمرام ..
ماجد: كبرتي بعيني يامرام وانا بوقف معاك في طريقك الصح ^^ ..
مرام ارتبكت : لا انت رجال وانا مره وودي ولو مره بحياتي اسوي شي احس اني انا اللي سويته ..
ماجد: براحتك عن اذنك عندي اشغال ..
مرام: اذنك معاك ..
بعد ما طلع ماجد ابتسمت ابتسامه خبيثه .. المسكين صدق ..هههههههههه من صجه بكلمتين قالهم بغير نفسي ؟؟ صج ناس ..
وجلست على الكنب وهي مبتسمه كانها مسويه انجاز ..
مرام: ماجد تخلصت منه .. باقي رويدا ..هههههههههههه ما ناقص الا هالفقيره تسطرني ..مفكره اني نسيتها لها هالكف .. انا برده لها بعني برده .. بس بشكل ثاني ..
حطت يدها على خدها اللي صفعتها عليه رويدا ولونها تغير ..
مرام: راح احرمك من هالخد هاللي عندك يا رويدا ..راح تعرفين مرام على اصولها .. بس كل شي بوقته حلو ..ههههههههههه .. اتلهف حق شوفة شكلك الجديد يا رويدا ..
ارفعت التلفون : خل اجهز الزباين لها .. احم .. الو ..
وجيه ( احد الربع) : هلا قلبي .
مرام: تعال ابغاك ضروري ..
وجيه : اشم ريحة زباين ؟؟
مرام: يلا تعال.. هالمره زباين من نوع مختلف ..
وجيه : في هالثواني بتلاقيني عندك ..
بعد فتره قصيره وجيه عند مرام ..
وجيه: انا عندك امري ؟؟
مرام: اشوف عضلاتك؟؟
وجيه رفع كمه وابرز عضلاته.. : اشرايك..
مرام: ما شاء الله ..طيب ابي تثبت لي انهم مو بس منظر ابيك تشغلهم . ابيها تستوي قرطاس منك انت وربعك .. بس الا شرفها لا تلمسونه انا مو قاسيه لا هالدرجه .. <<<<<<< موول ..
وجيه: يعني اقول للجماعه يتجهزوون ؟؟
مرام: الليله.. الساعه ثمان ونص اهي بتروح بيت اهلها .. ابيكم ترتبون الوضع ..
وجيه: والمكان؟؟
مرام: راح ادليكم المكان انا راح اكون موجوده وياكم .. بس ما بطق .. بس بتفرج ..
وجيه: يعني انتي الجمهور؟؟
مرام: هههههه تقدر تقول ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
اما في بيت رويدا ..
رويدا تجهز بتروح حق رؤى .... ما تدري انها بتروح حق الموت ............ بعد المغرب على طول رويدا خلصت وتنزل بسررعه تحت : يمه انا ماشيه تبين شي؟؟
الام: بتمشين وحدك؟؟
رويدا: يمه الحين الشارع ماشي وانا امشي على طول ما علي من احد وفي نفس الوقت رياضه ..
الام: قلبي مومطمن لا اتصلي على اخوك احسن واذا ما رضى مو لازم تروحين <<<<<<<<< مسكينه كانها حاسه ..
رويدا: يمه .. وش له الخوف قلت لك الشارع الحين موفاضي يا كثر الناس ..
الام: طبعا مو فاضي .. مليان من الناس المتوحشه << قلتيها ..
رويدا: يمه اخليك ..
الام: تعالي لا تروحين بروحك .... يا ربي عطتني الاذن الصمخه .. مدري ليش هالبنيه معانده ..
اما في الشارع اول ما طلعت رويدا خطت خطوتين الا بضربه على راسها ... ما كان احد موجود بالشارع بيت رويدا كان قريب من مدرسه .. يعني قليل ناس يمرون في هالمكان ..ضربها واحد على راسها وهو ورا السياره مجرد ما طاحت على الارض جاو اثنين واخذوها وحطوها بالسياره وراء وجلسوا مبتسمين كانهم مسوين انجاز ..كانت مرام جالسه قدام وجنبها وجيه بوعضلات .. مرام طايره من الفرح لوبودها قامت وسطرت رويدا قدامهم ..وصلوا شقه مرام الجديده .. هالشقه ماكانحولها احد .. نزلواوشالو معهم رويدا ...... في الشقه رويدا بوسط الصاله بس فتحت عينها شافت هالاربعه المتلثمين اللي محاوطينها ..ومرام من وراء الباب تطل ..
رويدا في استغراب! : مين انتو وانا وين؟؟ ..
ما كملت كلمتها الا بوطيه في بطنها وصفعه قويه على عينها ورفسه على راسها وطقه هنا وطقه هناك .. من الالم حتى اصراخ ما قدرت تصارخ .. لين حست انها بتفقد حياتها .... غمضت عينها بهدووء وكانها سلمت على الدنيا .. خساره ما سمعت كلمتك يمه .. يا ليتني بعدما طلعت الحين انا عند رؤى .. ليتك تعرفين انا وين ووش صار لي .. سامحيني يمه ........ بعد ما شافو رويدا خلصت .. عيونها ملونه وجلدها الوان اورام بكل مكان وشفاتها رماديه صار شكلها وحده ثانيه
لفوها في لفه وطلعوها يراقبون الشارع وحركته .. بعد ما تطمنو ان الشارع خالي وان محد حولهم .. رمو رويدا قدام بيت كان قريب منهم .. بيت منو تتوقعون ؟ .. بيت حنان وزوجها اللي ساعدو مروى يوم يصير لها الحادث . اخذت فتره مرميه قدام الباب انفاسها اشوي وتخلص ..
بعدها طلع زوج حنان فتح الباب بس شافها دخل وقفل الباب بسرعه وكانه قلبه بيوقف ..
حنان كانت واقفه برا وشافته وهو داخل بهالحركه واستغربت ..
حنان: ايش فيك رجعت؟؟
علي بصوت مرتبك: تذكرين مروى اللي ساعدناها ؟؟
حنان: اشفيها؟؟
علي: اختها مرميه جنب الباب وشكلها غير شكل ... انا .. انا مالي شغل فيها .. اهلها بيشكون فينا .. ذيك المره اختها والحين اهيا ..
حنان: اجل نخليها .. بعدين بتكبر علينا .. الحق بيضهر مهما تاخر .. يلا قبل ما تموت البنت..
حنان وعلي بسرعه طلعو وطارو المستشفى وطبعا التحقيق جاري ..
اما بالنسبه لبيت اهلها ـــــــــــــــــــ
الام:ياعلي يا علي على بنيتي .. انا اللي خليتها تطلع .. ياربي احميها واستر عليها اذا مو في بيت اهلها وين بتكووووون ..
رياض: احنا بحثنا في المستشفيات وبلغنا الشرطه وكل مكان الله يستر ..
الام ك يا ربي على بنتي وين بتروح عماتها متفقه معاهم تروح لهم الليله واذا مو وياهم وين يا ربي وين وين وين...............................
