الجزء الثاني
بسم الله الرحمن الرحيم
اللهم صل ِ على محمد وأل محمد الطيبين الطاهرين
وهذي الجزء الثاني جاكم
الجزء الثاني للراويه :
يوم الخميس الجميع ملتف حول سفره الافطار ..رياض : رويدا اشفيك سرحانه اكلي يبه.........هبه : اهي من طلعت اليوم من غرفتها وهي سرحانه ....موسى : اي جالسه تفكر في اللي كلمها وهي ما تعرفه ... رويدا في غضب: موسى اسكت ............ رياض: وشو كلمها ما عندنا بنات يكلمون ........... موسى: لا يبه فهمت غلط اهي تقول ان احد كلمها في غرفتها مو في التلفون ..
رويدا سحبت نفسها من السفره بقوه ..
هبه : زين كذا زين الحين ..
موسى : سمه ليش معوره راسك .. احسن لها رجيم ^^..
رياض : يبيلك كسار راس اهي مو من متنها .. .. .. حسن : وانا اول من بيكسر راسه .... موسى : اذا انت قدها يا بطل ..عن اذنكم بروح امر على عمي فيصل ...
مروى : عن اذنكم انا بعد بقوم ...
هبه: اشفيهم كلهم تسحبوا من على السفره ..
رياض: احسن معليك منهم .. حسن لو تقوم انت بعد توسع علينا انا وزوجتي مو احسن ؟؟
حسن: الا احسن بقوم لا تطردوني اكثر ..
هبه: خليته ياكل حرام عليك ..
رياض: ما عليك منه ........
........................ في غرفة رويدا رويدا على السرير جالسه تفكر في اللي قاله الشيطان .. ولاني ما كتبت لكم في البدايه راح اكتبه الحين ..الشيطان: روحي حق رؤى وسوي روحك مستعجله تبين تروحين حق مرام وانتي ناسيه اللي صار..حتى لو ما رضت ضلي مصره انك تروحين ..
رويدا : كيف اروح لها وانا ما احبها .. خوش حل للمشكله ..
الشيطان: انتي روحي لها .. بتتعلمين اشياء وايد منها ..
رويدا: مثل الدعاره ؟؟
الشيطان :ههههههههه ... الافضل ..
رويدا انتبهت على دخول مروى .. رويدا: مروى ابي اروح حق رؤى ..
مروى : بس مو انتوا متزاعلين ؟؟
رويدا: انا نسيت اللي صار واكيد اهي بعد نست ..
مروى:طيب ..
رويدا:مروى اقول شي وما تزعلين ؟
مروى: قولي
رويدا:بصراحه انا كذبت عليكم لما قلت مرام مو زينه
مروى: وكيف تقولين كذا .. الحين رحاب تحاتي وانتي مبرده ..
رويدا: انتي خليني اروح وانا بحل المشكله ..
مروى: بشوف كيف بتحلينها ..
ــــــــــــــــــــــــــــــــــــــــــ
رويدا في منزل الجد عبد الرحمن ..
رحاب : رويدا ؟؟
رويدا: ليش مستغربه انتو اهلي ..
رحاب: ^^ طيب .
دخلت رويدا : السلام عليكم جدي (بوسة الراس )
الجد: وعليكم السلام حيا الله رويدا .
رويدا: الله يحييك جدي .
الجد: انا زعلان منك ..
رويدا: ليش افااااا..
الجد: لانك رحتي ذاك اليوم خليتينا ..
رويدا: ههههههه ولا يهمك جدي راح اضل معك الليله ... عن اذنك بروح حق رؤى ..
رويدا تصعد فوق في وجهها فيصل ..
رويدا: هلا عموو
فيصل: هلا رويدا .. تبين رؤى ؟؟
رويدا: اي ..
فيصل : موموجوده .. راحت بيت صديقتها مرام ..
رويدا: امممم .... رويدا في نفسها : أه يالنذل تخليني اجيها وهي طالعه ..
فيصل: عن اذنك ..
رويدا: اذنك معاك ..
الشيطان : انا حطيت احتمال انها راحت لها ..
رويدا: والحين كيف؟؟
الشيطان: روحي لها ..
رويدا : الله يستر من اللي جاي .. رويدا انزلت تحت عن اذنكم الحين انا بروح.. جدي بجيك الليله ..
الجد: بستناك يا بنيتي ..
رويدا تتصل على حسن : الوو اخوي ابيك توصلني بيت صديقتي ..
حسن: مو فاضي لك انا خلي غيري انا مشغول ..
رويدا: طيب طيب .. باي ...توت تووت << سكرو
رويدا: عمو فيصل الله يخليك ابغاك توصلني بلييييز ..
فيصل: مو مشكله بس الحين اشوي مشغول بعد اشوي بوصلك ..
رويدا: OK
مشكور عمو .
رحاب: رويدا مروى ليش ما جات معاك ؟؟
رويدا: لاني قلت لها بطلع ..
رحاب: واذا؟؟ ..
رويدا: مروى تبي تروح نادي رياضه وتبيني معاها .
رحاب :اممممممم..
فيصل: رويدا يلا قومي ..
رويدا: جايه عمو .. مع السلامه عمتي ..
رحاب: الله يسلمك .. سلمي على مروى .........
ــــــــــــــــــــــــــــــــــــــــــــــــــ ــــــ
رويدا في السياره : عمو ؟
فيصل: تراك مكبرتني بهالعمو ..
رويدا: احتراما ..
فيصل : ترى انا كبر موسى اخوك .
رويدا: مو مبين انت جاد وشايف طريقك في الحياه .. اما موسى لعابي ..
فيصل: ههههههههههههه وصلنا يلا نزلي ..
رويدا: مشكور عمووووووو ..
فيصل: يبيلك كسار راس ..
رويدا: باااااااااي^^ ..................... وتروح تدخل في منزل مرام ..
رويدا: السلام عليكم ..
رؤى وقفت: الحين جايه ليش؟؟..
مرام: شفيك عليها تفضلي رويدا..
رويدا: زاد فضلك .... وتجلس تفكر : معقوله مرام بتفيدني مثل ما قال ؟ ..
مرام: عن اذنكم بروح وبرجع...
رؤى ورويدا: اذنك معاك ..
رؤى : ليش جايه؟؟
رويدا: اشفيك علي عمتي .. انا نسيت اللي صار والكلام اللي قلته قالوا لي البنات ما توقعت انهم يكذبون ..
رؤى: حصل خير ..
رويدا: ^_^ اعرفك ما تزعلين علي ..
ــــــــــ دخلت مرام وفي يدها عصير : تفضلي رويدا..
رويدا: زاد فضلك مشكوره مرام^_^ ........ رويدا وهي ماسكه العصير تفكر : شنو بتفيدني مرام ؟؟ احس راسي يدور من التفكير في الجاي .
رؤى: عن اذنك مرام انا بمشي .
رويدا: وانا بمشي معاها ..
مرام: رويدا توك جايه وشو تمشين ..
رويدا: معليه مره ثانيه الحين دام رؤى بتمشي بمشي معاها
مرام: ok
.. وهم واقفين على الباب قربت مرام من رويدا تهمس في اذنهاا: ابيك بكرا تجيني العصر .. ابيك في موضوع ..
رويدا مثل اللي حست كان الخير بيجيها: ok انتضريني ..
رؤى ورويدا:مع السلامه ..
مرام: الله معاكم ^^ ..
ـــــــــ رويدا ورؤى يسولفون في الطريق ..
رؤى: تقدرين على زعلي ؟؟
رويدا: طبعا لا بس بشرطاذا انتي ما تقدرين على زعلي ^^
رؤى: اه منك يا الخايسه ..
رويدا: ههههههههههه..
ــــــــــــــــــــــــ وصلوا بيت الجد .. رويدا : جدوووووووو مثل ما وعدتك . هذنا جيت.. ^^..
الجد: حياك يا بنيتي ..
ـــــــــــــــــــــــ ومر اليوم واهما ضحك ووناسه وجا موعد النوم ..
رويدا على السرير تتردد في مسامعها كلمات مرام ((تعالي لي بكرا العصر ابيك بموضوع )) ..
رويدا: يا ترى شنو تبي مرام ؟؟
الشيطان : تبي لك الخير ...
فزعت رويدا: انت جيت ؟؟
الشيطان: انا ما رحت عشان اجي ..
رويدا: تعرف شنو تبي مني مرام؟؟
الشيطان: بكرا بتطلعين من الفقر اللي انتي فيه .. بكرا بتصيرين من هالكباريه هاللي تشوفينهم ولا تقدرين تسوين زيهم ..
رويدا: جد ؟؟ بكرا راح اصير غنيه؟؟ اجل ما اتوقع اني بنام من الفرح ..
الشيطان: نامي بكرا وراك شغل والا تفكرين ببلاش ..
رويدا: ok ok ok وناااامت البنت..
الشيطان : نوم العوافي .. بكرا بتنامين غنيه .. غنيه بالذنوب ها ها هاااا ..
مروى دخلت الغرفه عدلت الغطا على رويدا ..
بينها وبين نفسها: نفسي اعرف اللي بقلبك يا رويدا .. ونامت جنبها ..
ــــــــــــــــــــــــــــــــــــــــــــــــــ ــــــ في الصباح ..
مروى: رويدا قومي اصحي حق المدرسه ..
رويدا: يا ربي والله مالي خلق المدرسه ...
مروى: مو بكيفك رويدا قومي ..
رويدا: طيب طيب اف ..
ــــــــــــــــ رويدا جهزت للمدرسه وفطرت وراحت للمدرسه .. وفي المدرسه دخلت رويدا الفصل .. وجلست تفكر .. دخلت المعلمه ورويدا بعدها تفكر وتفكر وتفكر ...<<<< شكل التفكير بيأثر على دراستها خخ ..
المعلمه بدت تشرح وتشرح .. لاحضت ان رويدا سرحاانه ..
المعلمه بصوت عالي : رويدا قومي جاوبي ع السؤال ..
وانتبهت رويدا واختبصت وقامت وقالت: انضري الكتاب .. خخخخخخخ لا بدايه حلوه لمستواها ..البنات قامو يضحكون وانقلب وجه رويدا كل الالوان احمر اخضر بنفسجي خخ وجلست رويدا وهي منحرجه << محد قالها وجات حصة وراحت حصه وانتهى الدوام ..
رويدا: ما بغينا اف وش هالمدرسه هالعله .. صج ملل ...
ـــ وصلت رويدا البيت . رويدا: مروى انا جوعااانه حطي غداي ..
مروى: حاظر عمتي ..
رويدا : بلا طنازه عاد انا اليوم مليت كان يومي طويييل وجعت ومليت ..
مروى: طيب..
رويدا وهي تاكل : مروى.
مروى: خير ؟؟
رويدا: ابي اروح حق صديقتي مرام العصر.. قالت تبيني ضروري ..
مروى: وتقولين لي انا ؟؟ قولي حق امي واذا ما رضت يكون احسن ..
رويدا: حرام عليك . البنيه تبيني ضروري ..
ــــــــــــــــــــــــــــــــــــــــــــــــــ ــــــــــــــــ في وقت العصر رويدا مجهزه عمرها ومستعده لروحة بيت مرام .. وفي منزل مرام نبضات قلب رويدا تتسارع من الخوف ..
مرام: شفيك كانك مو على بعضك ؟
رويدا : ها لالا ما فيني شي بغييني ؟
مرام: اي .. انا ابي اساعدك ...
