[size=24]بسم الله الرحمن الرحيم
اللهم صل ِ على محمد وأل محمد الطيبين الطاهرين
بسم الله الرحمن الرحيم
روايه من خيالي احب ان اضعها بين ايديكم وتبدون رأيكم فيها وبما ان الكتابه من أحب هواياتي احببت ان تبدو ارائكم بكل صراحه .
في البدايه احب أعرفكم على شخصيات الروايه :
كبير العائله عبد الرحمن - زوجته توفيت عندما ولدت اخر ابنائها .
ابنهما رياض عمره(45 ) تزوج من هبه عمرها (35 ) بنت صديق والده .
انجبا مروه عمرها(21)اكبر ابنائه واعقلهما وحسن عمره(19 ) ولد سائر في حياته بشكل مستقيم - موسى عمره(17 ) طويل اللسان خخ -واخر الابناء والاكثر دلعا رويدا عمرها (15) سنه (لها دور كبير في الروايه ).
اخوان رياض اخوه الاوسط رائد عمره (22)اخوه الاصغر فيصل عمره(19) واخواته رحاب عمرها (21) والصغرى رؤى وعمرها (19) ...
بداية القصه:
رويدا : يوووووووه وش هالملل .كل يوم نفس الشي ما يمر يوم يصير فيه شي جديد...و هالبيت اللي يحمس ان الواحد يضل قاعد فيه 24 ساعه (طبعا جالسه في الغرفه )..اشوي وتدخل
مروى :شفيك ماده البوز؟؟
رويدا وبأعلى صوت : انا منغثه خليني لحالي لا تزيدين همي ..
مروى: الحين انا اللي ازيد همك ؟؟
.. لحظه صمت..
اشوي الا تقوم رويدا وتطب في حضن مروى اللي خلى مروى تستغرب من هالحركه ؟؟
مروى تمسح دموع رويدا وتسئلها : حبيبتي اشفيك قولي لي وانا بساعدك ..
رويدا: مادري انا منغثه وحزينه ومكتئبه ومخنوقه .. ابي اتنفس ..
مروى: لحظه حبيبتي بجيب لك ماي وعاد انتي روقي ^^ وبعد اشويبتصل على حسن اخليه يودينا مكان ما تبين ..
رويدا: صج ؟؟ صج بطلع من اهنيه واخيرا ^^ ..
مروى : كم رويدا عندنا ^^ ..نزلت مروىتحت وجلست يم الوالده .
.مروى . يمه ..
الام : نعم يمه ..
مروى: يمه رويدا مدري اشفيها متضايقه من البيت تبي تطلع وانا قلت لها بتصل على حسن وبنروح مكان ما تبي..
الام : طيب بس خلي عينك عليها ما ابيها تضل بروحها ولا لحظه .. انتي تدرين انها صغيره وبسن خطير ..
مروى : طيب تامرين ..
نزلت رويدا: يمه ابي اروح حق جدي ..
الام : غريبه .
رويدا : يماااه يعني لازم ؟؟
الام : خلاص سكتنا ..
مروى :تتصل على حسن : الووو
مروى: هلا حسن ..
حسن : هلا مروى .
مروى: لو ما عليك امر اخوي ابيك تجينا البيت نبي نطلع نبيك توصلنا ..
حسن: ok س لحظه بخلص اللي عندي وبجيكم .. تووت تووت <<سكروو ^^ ..
رويدا : مروى بعد ما نطلع من بيت جدي ابي اروح المجمع اللي راحت فيه رؤى عمتي ذاك اليووم .
.مروى: بس هذا غالي وانتي تدرين ان احنا على قد حالنا ومعاش ابوي يا دوب يكفي للمصروف ..
رويدا: بس نتفرج في المكان ما بنشتري بلييييييز مروى لا ترديني ..
مروى : ok ^^
رويدا: هيييا ..
في بيت الجد عبد الرحمن ..مروى ورويدا: شلونك جدي ..
الجد : الحمد لله دام انكم بخير انا باحسن حال ..
مروى :هلا رحاب ..
رحاب : هلا شخبارك حبيبتي ؟
مروى: بخير الحمد لله ..
رويدا راحت تركض غرفة رؤى .. ر
حاب : رويدا لحظه ..
رويدا : نعم عمه ؟؟
رحاب : اول شي ما في سلام ؟؟ وثاني شي رؤى مو هنا طالعه ..
رويدا: وين راحت ؟؟ ..
رحاب : تقول بيت صديقتها مرام..
رويدا: عدل ..
رحاب : تعرفينها ؟؟
رويدا : اي وبصراحه ما احبها ..
رحاب : ليش مو زينه ..
رويدا: بصراحه اي ..
رحاب: اجل ليش رؤى تزورها ..
رويدا:انا اكثر من مره كلمتها بس ما تسمعني ..
مروى: طيب ليش ما قلتي لنا..
رحاب : يبه تكلم اشفيك ساكت ..
الجد: لا جات بتفاهم معاها ..
رحاب وهي متضايقه: انا خايفه عليها ..
رؤى دخلت البيت : السلام عليكم ..
الجميع : وعليكم السلام ..
رؤى : هاي رويدا .
رويدا: هلا ..
رؤى : من غير نفس ؟؟
الجد: تعالي رؤى وراي ابيك اشوي ..
رؤى خير يبه ؟؟
الجد : تعالي بدون نقاش .
رويدا: عمتي رحاب انا خايفه تزعل مني .
.رحاب : لا تخافين انتي تكلمتي عشان مصلحتها .
.رويدا: بس اخاف ما تتفهم .
.مروى: لا تخافين حبيبتي احنا معاك ..
اشوي وتنزل رؤى : رويدا انتي لا تجين مره ثانيه لي ولا تكلميني ..
رحاب: وش هالكلام. اهي تكلمت عشان مصلحتك ..
رؤى : علشان مصلحتي تشوه سمعة البنيه وتألف عليها كلام من عندها . شنو سوت مرام علشان تقولين مو زينه ..
رويدا : الحين انا صرت أألف يا رؤى يا عمتي ؟؟ .
.رؤى: اف لا تناقشيني بهالموضوع وروحي عن وجهي وياليت ما تزوريني ..
رحاب: رؤى وش هالكلام عيب مو توك صغيره نعلمك العيب ..
رويدا: خليها عمتي اذا بغيت اشوفك بقول لك تعالي بيتنا .. مع السلامه ..
وتمشي رويدا..
رحاب : لحظه رويدا لعني ابليس ..
مروى : رويدا ما بترحين المجمع؟؟<<<صج فراقه ..
رويدا : خليها بعدين مالي نفس . وتطلع رويدا .
.رحاب :شفتي اشلون . زين كذا..
رؤى : احسن ..
مروى : عن اذنك رحاب بلحق رويدا ......
الجد نزل: وينهم؟؟
رحاب: مشو يبه رؤى جرحت رويدا بكلامها ..
عبد الرحمن يصرخ على رؤى : انتي وش يأدبك .. لازم تتعلمين تحترمين الناس طرااااااخ<<<هذي سطره ..
رؤى: تضربني يبه ؟؟ ..
الجد: الدلع الزايد انسيه ..
دخل رائد : اشفيك يبه ؟؟ صوتك واصل الشارع رؤى صعدت غرفتها بسرعه ..
الجد: اختك لازم تتأدب ..
رائد : يبه خلها علي .
رائد يصعد غرفة رؤى .. طق طق << الباب
رائد: رؤى فتحي ابيك اشوي ..
رؤى من ورا الباب:وش تبون .. خلوني ..
رائد: فتحي ..
رؤى: فتحنا وش تبي بعد انت ..
رائد : عدلي اسلوبك معاي .. ممكن ادخل ..
رؤى: ادخل ..
رائد : وش بينك وبين ابوي ؟؟ ................................................بع دين قالت له كل شي وحاول يتفاهم معاها ـــــــــــــــــــــــــــــــــــــ في منزل رياض وفي غرفة رويدا بالتحديد....رويدا بينها وبين نفسها .. كيف اعيش بدون رؤى ؟؟ وش اللي خلاني اتكلم ؟؟.. ((؟)): تبين تراضينها؟؟ ..رويدا في فزع: منو اللي يتكلم ؟؟ منو؟؟ وينك انت ما اشوف احد ؟؟ ((؟)): لا تخافين .. رويدا : كيف ما تبيني اخاف وانا لا اشوفك ولا اعرفك ؟؟؟؟..((؟)): انا اللي بساعدك في كل الظروف .. انااللي يرافقك وين ما رحتي .. انا اللي يعلمك في كل وقت كيف تتصرفين ..
رويدا: شايفني ما اعرف اتصرف ؟؟ ((؟)) : انا رفيقك حتى الموت ..ها ها هااا (( الضحكه جتاله)) ..
رويدا في فزع: طيب منو انت ؟؟؟محد يرد ؟؟على الاقل قول اسمك؟؟. رويدا مثل اللي حست بالخوف وقامت تصارخ..
جاو حسن وموسى ومروى : اشفيك؟؟
مروى : اشفيك حبيبتي افزعتينا عليك ..
حسن : تكلمي واحنا نشوف ..
رويدا وصوتها رايح: انا خايفه خايفه ..
موسى: ما عليكم منها تدلع .. خل امشي بس احسن لي ..
رويدا: في احد يكلمني ولا اعرف منو ولا اشوف احد بالغرفه؟؟
موسى:ههههههههه هذي اكبر دليل عندكم انها تدلع يعني وشو يكلمك وما تشوفينه هذا اكيد خيال ..
مروى: موسى اسكت احسن.. رويدا لعني ابليس وصلي على محمد.. وقامو موسى وحسن ومروى وطلعو من الغرفه ..((؟)) ليش تقولين لهم ؟؟ تسوين روحك مسخره جدامهم؟؟
رويدا : لا تخليني اصرخ واناديهم يسمعونك..((؟)):هههههههههههههه يا رفيقتي محد يسمعني غيرك ..كل الناس ما يسمعوني ..رويدا وكانها بدأت تثق فيه: طيب دام انك على قولتك بتحل جميع مشاكلي علمني كيف اخلي رؤى تسامحني من غير ما اذل نفسي <<<ام الكرامه ((؟)) هاهاهاها سهله مدري كيف ما جات في بالك ..
رويدا في لهفه : كيف ؟؟((؟)) : الحين بقول لك كيف ..وش تسوين بالتفصيل .................................................. .................................................. ..... تبون تعرفون وش قال لها ؟؟ تبون تعرفون وش سوت ؟؟ تبون تعرفون ردة فعلها وردة فعل رؤى؟؟
قبل ما اقول لكم انتضروني في الجزء الثاني بذكركم منو هذا((؟)) اكيد عرفتوه هذا الشيطان ( عندما يحكي الشيطان) ... الحين بقول لكم انتضروني في الجزء الثاني وان شاء الله ما اطول ^^
اتمنى تكون اعجبتكم وتبون اكمل .
سلااااااااااااااااام
__________________________
