قــهــر الجــآآل,,

الليالي .. والوفا .. والشوق .. والدمع الأصيل
روُحت مع موكب الأحزان فـي مـاض الليـال
والسهر .. ومعانق الأحلام .. والدرب الطويـل
السبب فيها .. هنوف(ن) في خفوقـي لا تـزال
أقبلت مثل الهوا لا عانـق .. أطـراف النخيـل
وأرحلت مثل الضمى لا صاح .. من خلف الزلال
ياوجـودي / يـوم أناظرهـا وتشـرّ للرحيـل
وجد من مالت سنينه .. مثـل ميـلات العقـال
مابقالـي منهـا ياكـود .. دمعـات(ن) تسيـل
يوم لفت ترتجي وصلـي .. ولا جاهـا مجـال
الوفي .. لامن بكـا لابـد يبكـي مـن غليـل
دمعته لا روُحت / تـروي حكايـات(ن) طـوال
في خفوقي تبكي .. الأشـواق وأهاتـي دليـل
وفي عيوني تحكي الأحزان عن .. قهر الرجـال
والله إني مابغيت أنسـاك .. يالصبـر الجميـل
لين شفت إن التواصل .. بيننا شي(ن) محـال
علميهـا ياسحـاب الهـم / بالقلـب العلـيـل
كيف تتركني بحر الشمس من عقب الظلال ..!
وخبريها ياحُروف الحب .. عن عابـر سبيـل
واحـدن ماحبهـا ياكـود عفـه وإرتجـال ..!
وذكروها في .. حياة البدو جيل(ن) بعـد جيـل
كيف كنا نستـر العـذراء ولا نخشـى القتـال
يابري حالـي .. وياوجـدي ليـا زاد الفتيـل
وأستضاقت فسحة الأظلاع .. من بعـد الـزوال
وياوجودي .. لا برق جرحي وعبراتـي تخيـل
ولاحت أمزون المحاجر .. وأنتثر دمعي وسـال
وياوجودي .. لا أرتويت الهم عقب السلسبيـل
وجد أهات الكويتـي .. فـي نهـار الإحتـلال
وياوجودي .. يـوم أناظرهـا وتشـرّ للرحيـل
يوم لفت ترتجي وصلـي .. ولا جاهـا مجـال