الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 عندما حكي الشيطان 6 و 7

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عذبة الروح
Admin
avatar

انثى
عدد الرسائل : 286
المزاج : أحبكم مــآآرآآ
السٌّمعَة : 0
تاريخ التسجيل : 07/02/2008

مُساهمةموضوع: عندما حكي الشيطان 6 و 7   السبت 15 مارس 2008, 1:10 pm

الجزء السادس
جوال رياض يرن...
رياض: الو؟..
علي: السلام عليكم.
رياض: وعليكم السلام مين معي؟؟ .
علي: اخوي معاك علي الحسن ..
رياض بغيت شي؟؟
علي: بغيت ابلغك رويدا بنتك عندنا بالمستشفى ..
رياض في غضب : عطني عنوان المستشفى اشوف واذا جيت لي كلام معك ..
علي: هدي اعصابك يا اخوي ..
الام: شنو؟؟ مستشفى ؟؟ يا حسرتي على بنتي .
مروى: يمه تفائلي بالخير الحمد لله ان سمعنا عنها ع الاقل.
الام: اي خير بنتي في المستشفى ...
ــــــــــــــــــــــــــــــــــــــــــــــــــ ــ بعد ربع ساعه وصلوا المستشفى .
رياض على طول راح لعلي وسئله عن سبب وجود رويدا بالمستشفى
بعدها عصب وشد علي من ثوبه بقوه : ممكن اعرف سبب وجودكم معاها ؟؟ وسبب شوفتكم لمروى ولها ؟؟
علي: راح اشرح لك السالفه ..
رياض: شتشرح كل شي واضح .. وش جابها جنب بيتكم بالذات ؟؟ ..
علي: هذي اللي كنت اتسائله .. صدقني مالنا ذنب في هالسوالف واحنا ناس مو قد هالمشاكل ..
رياض: يعني انا اللي قدها .. من قبل مروى والحين رويدا ؟؟ هذي دليل ان في شي يحوم حولنا واحنا ما ندري
علي: هدي اعصابك واحنا مثل ما نبي الستر على بناتنا نبيه على بناتكم ويعلم الله اني مادري وش جابها عند باب بيتنا ووش اللي سوى فيها كذا ..
رياض: حصل خير .. بس ما بنام الا لمن اعرف وش اللي صاير بدنيتي ..
ــــــــــــــ
الام: حنان متاكده هذي بنتي ؟ حسبي الله على اللي سوى فيها كذا .. عيال الحرام ما يخافون الله..
حنان تمسح على كتفها : عمتي صبري الله بيفرجها .. لاحول ولا قوة الا بالله ..
رياض يسئل الدكتور: ايش اللي خلاها كذا؟
الدكتور : واضح من الاثار اللي بجسمها انها متعرضه للضرب ...
رياض: لا حول الله .. طيب ليكون شرفها بعد ..
الدكتور: لسه ما تطمنا من هالشي ..
رياض نزل راسه وهو يتسائل عدة اسئله : اشمعنى حنان وعلي كل مره ؟؟ ومنو الي بيضرب رويدا هالضرب؟؟ ويصدم رويدا ؟؟ يا ربي بستخف
ــــــــــــــــــــــــــــــــــــــــــــــــــ ــــــــــــــــــــ
اما جنب رويدا كانت العائله ملتفه .. حتى عماتها وعمامها الا الجد في البيت اتصلت عليه رحاب وقالت له كل شي ..
رؤى في قلبها : انتي تزيدين البلاوي على نفسك يا مرام .. ادري انك ورا هالشي .. بس كلها كم يوم وبصب دمك في المرحاض<< تكرمون يا القارين ..
بعد فتره من الوقت الطبيب قال لازم تمشون .. اما بالنسبه لرويدا فهي دخلت في غيبوبه ما ندري متى تصحى <<<<<<<< انا ادري ^_^.....يعني حاليا انسوا رويدا
ــــــــــــــــــــــــ طبعا التحقيق جاري
موسى يتمشى في السوق مع فيصل .. وفي نفس الوقت مرام موجوده .. انتبهت حق موسى وفيصل وهي تدري ان موسى اخو رويدا .. راحت سلمت عليهم ..
مرام: هاي موسى ؟
موسى استغرب منو هذي ما يعرفها ؟؟: هلا
مرام: انا صديقة رويدا اختك ..شخبارها الحين؟؟
موسى: لسه في غيبوبه ..
مرام: يااااااااااه مسكينه الله يكون في عونها ..
وقامت تطالع فيصل .. مرام: منو هذا؟؟
موسى: عمي فيصل ..
مرام: تشرفنا ..
فيصل ما يرد ولا يعطيها وجه لانه ما يحب هالاشكال ..
مرام: باي ـــــــــ وراحت عنهم ..
فيصل: موسى خل رويدا تهد هالاشكال لا اكسر راسها اهي وياها ..
موسى: انا اعرف اختي ربعها مو من هالنوع ..
فيصل: مشينا مشينا سدت نفسي من السوق ..هاااي وع <<<يتطنز عليها ..
موسى: هههههه يلا معليه مره ثانيه ..
ــــــــــــــــــ في بيت عبد الرحمن (الجد) ...
رياض كان موجود في الصاله جالسين الجد ورياض ورحاب ورؤى .....
رياض: يبه تتذكر زمان اول كنا دايم معاك في النخل انا ورائد نساعدك ..
الجد: وانا اطقكم لا لحقتو البقر ..
رياض: ونخاف منك اذا جينا ناكل قشطه .. حتى مره جدتي جابت لنا طاسه .. وقعدنا ناكل فيها انا ورائد الا شفناك مريت وخفنا .. وقعدنا نقول كانه ابوي مر ؟؟
ضحكوا الجميع .
الجد: كانت ايااام زماان مو هالزمن اللي لايخاف الواحد على نفسه حتى من اهله ..
رياض نزل راسه: يخاف على اهله يا يبه .. انا خايف على بناتي وخصوصا رويدا لانها صغيره وما تفهم .
وعم الصمت ارجاء المنزل هع ـــــــــ
رؤى: يبه كمل سوالف اول في النخيل ..لا تقاطعون وناستنا اهي مو كل يوم تصير.
رياض:رؤى انتي يوم بغيتي تموتين ابووي ..
رؤى في فزع: ش.. شنو انا . شنو
رياض: ابوي كان صاعد فوق نخله اللي جنب العين وانتي صعدتي فوق وانتي صغيره .. شافك ابوي وخاف تطيحين ونقز بدون شعوره من فوق النخله ومسك طرف جدار العين باصابيعه بس وانتي في يده الثانيه .. وقام يصارخ : رياااااااض رااائد .. وحنا جينا نركض . انا مسكت ابوي ورائد نزلك ..
رؤى وخدودها محمره : يبه تخاف علي ؟
الجد: الحين انتي بغيتي تموتيني وتقولين اخاف عليك ؟
رحاب : هههههه الجلسه اليوم فله .. رياض كل يوم تعال خلنا ننبسط ..
الجد: هههه سوي لنا شاي يا بوش خلنا ننبسط اهي كل يوم هالونسه وسعة الصدر؟؟
رؤى راحت جنب رياض وحطت يدها على كتفه: رياض ليش ما جات معاك هبه؟؟
رياض بصوت متضايق : اهي من يوم ما شافت رويدا واهي معتفسه ..
رؤى: انا بروح لها ..
رياض بغضب: مافي طلعه من البيت من يوم ورايح ما تطلعون الا مع احد منا يا انا يا رائد حتى فيصل ما ينتئامن له
رؤى: طيب ياخوي بس انا بروح مع رائد ..
رياض: اممم ورائد وينه الحين؟؟
رؤى: اهو مساعه قال لي انه معزوم ع الغدى عند واحد من ربعه ..
رياض: اممم وانتي قلتي له انك تبين تروحين ؟
رؤى: اي وبعد اشوي يجي..
اشوي الا دخل رائد : السلام عليكم جميعا ^^
رياض:وعليكم السلام ..
الجميع : وعليكم السلام ..
رائد: رؤى جهزتي والا بعدك ؟ ترى مالي خلق استنى ..
رؤى: طيب طيب بس بجيب عباتي وبمشي ..
رائد: في هالزمن حتى العباه ما تستر .. رويدا حفضوا وجهها هاللي ودوها المستشفى اهي ومروى ..
الجد: يا رائد قبل اشوي كنا مبسوطين لا تنكد علينا ..
رائد: يبه .. تستانسون من وراي ؟؟ كان دقيتوا علي قلتوا لي تعال ..
الجد: اللي يبينا يجينا ..
رياض: احلى يا بو رياض
رائد : رحاب ما بترحين مع رؤى؟؟
رحاب: لا وراي اشغال ..
رائد في غضب: شو اشغاله اجل اختك ترو حبروحها وانتي تجلسين بروحك ؟؟
رحاب : مو بروحي معاي ابوي
الجد: رائد انت تكبر الامور احيانا
رائد قام وهومعصب : هذي المشكله .. اللا مبالاه ........... وقام وطلع من البيت
الجد وهو معصب : رائد رائد تعال يا قليل الادب
رياض: يبه هدي اعصابك ما تعرف رائد.. معليه يبه اكيد هو معصب على شي وحط الحره فينا .. انا بتفاهم معه بعدين ..
ـــــــــــــــــــ
رؤى في السياره تتئمل رائد وتلاحظ عليه الشرود الزائد وذابحها الفضول تبي تعرف وين فكره ..
رؤى تقطع حبل افكاره: رائد؟؟
رائد: شنو ..
رؤى: ممكن اسئلك سؤال بس ما تعصب ؟؟
رائد: اذا مثل وجهك لا تسئلين ..
رؤى : مثل وجهي يعني حلو^^
رائد: خلصي بسرعه لا اهفك بهالكرتون ..
رؤى: وين رايح فكرك؟؟
رائد وقف السياره: رؤى ان سئلتيني هالسؤال مره ثانيه او حتى اي نوع من هالكلام بتتحسفين سكتي احسن سمعتي ..
رؤى: طيب طيب ... مالي كلام معاكم ابد 
رائد بعد فتره قصيره : رؤى بقول لك جزء من اللي في بالي بس بعدين ..
رؤى: مشكوووووووور اخوووي انت احلى اخو بالدنيا ^^
رائد: بس عشان اللقافه والا ادري عندك رياض احسن مني..
رؤى : ليش؟؟ شدراك ..
رائد: ادري .. 

رائد وصل رؤى بيت رياض ومشى ... راح في حديقه عامه وجلس يتأمل الاطفال ويفكر .. قاطع حبل افكاره صوت ناعم ..
*: رائد شفيك؟؟
التفت رائد لا ورا وقال: جيتي ؟؟ من متى انتي هنا ..
*: من نص ساعه تقريبا .
رائد: اسف ما انتبهت لك ..
*: رائد اعرف وش تفكر فيه.... لا تخلي الشيطان يلعب بمخك ويحط هالوساويس في راسك .. اذا كنت فاقد الامل ومعنوياتك متحطمه مستحيل يتحقق اللي تبيه ..
رائد: انا فاهم... بس الخوف مسيطر علي .. فهميني ..
*: افهمك.. افهمك يا رائد..
وفجأه بصوت مزعج: رائد منو الحلوه اللي معك ؟؟
والتفت رائد .. هذي انتي ^^ تعالي هذي نجمه اللي قلت لك عنها ..
شهد:اوووووووه هذي انتي ^^ من زمان ورائد مستجن عليك ^^
نجمه :خخخخخ ادري ^^
رائد: بل من البدايه يا شهد ؟؟ ..
شهد: اكيد ما اخلي ^^
ـــــ
لحظه لحظه ادري اختبص مخكم ^^ الحين بوضح لكم هالعفسه ..
نجمه اللي هي هذي * تكون بنت عم رائد يعني ابوها اخو عبد الرحمن ..
اما شهد المزعجه هذي بنت خالته يعتبرها صديقه بس.. واهي نفس الشي ..
نرجع لمحور حديثهم ^^
ـــــــــــــ
رائد نزل راسه : شهد الليله تعالي بيتنا ابيك ضروري ..
نجمه: رائد كاني اغار :
رائد: ^^ شهد صديقتي وكل كلامنا بحدود ... تطمني
شهد: افاا عليك يا نجوم خليني خويتك مو عدوتك ^^
نجمه: ^^
الجزء السابع
في الليل شهد في بيت عبد الرحمن ..
رائد : كنت استناك .. من مساعه ..
شهد : وهذنا جيت . يلا قول ..
رائد تبلعم: شهد ابي اتزوج نجمه .. وابي اطمئن من ناحية ابوها ومن ناحية مرضي(كان عنده تكسر) يمكن ما يرضى لان نجمه عندها نسبة تكسر واهو يحب الاطفالا ويتمنى يشوف عيال نجمه ..
شهد: وحتى انت تحب الاطفال وللاسف ما عندكم اطفال صح ؟؟
رائد: انا من زمان حاط في راسي نجمه ومستحيل اتخيل ان غيرها لي وغيري لها ..
شهد: رائد فاهمتك زين . بس انكم تربطون حبكم وتهدمون حياة عيالكم صعبه ..
رائد: شهد راسي بحاله بينبط لا تزيدينه ..
شهد:عن اذنك رائد بروح اجلس يم رحاب .. مليت من هالسالفه
رائد: كالعاده .. عند همي بجلس وحدي 
ــــــــــــــــــــــــ
رائد وهو يفكر في طريقه مستحيله تربط بينه وبين نجمه بدون ما يصابون اطفالهم بالتكسر ..
مستحيل .. ... المشكله ان هو متعلق بنجمه و ما يقدر يتخيل نفسه لغيرها ..
المهم خلنا من سالفة رائد ..موسى في بيتهم قاعد يحوس ...
موسى: وينك يا رويدا .. البيت بدونك ناقص .. ما في احد اهذر معاه ... مروى مشغوله عني .. وحسن كلا طالع  وين اروح ؟؟ مو وناسه مو تمام.. ........
مروى مرت وشافت موسى: هههههههههه ادري الحين كذا وبعدين تسوي روحك ما تاثرت قدام رويدا .. خابزتك يا مويس واعرف لك ..
موسى: انتوا لو انكم تونسون كان .. بس وين .. انتي مع ملابسك ومواعينك واخوك مع دوارته .. ما في الا رويدا بطاليه زيي ..
مروى : بدل هالهذره دور لك شغله تنفعك ..
موسى: هذي ابوي عبد الرحمن الثاني .. من يشوفني مع عمي فيصل قال دور لك شغله تنفعك ..
مروى: وهو الصاج جدي ^^
موسى : المهم دام طريناه انا بروح له يلا في امان الله ..
مروى: كالعاده .. في امان الله ^^
ـــــــــــــــــــ
موسى قدام بيت الجد : هلا عمتي رحاب ^^
رحاب: مو خابرتك رزين؟؟ المهم هلا بك ^^
موسى : وين فيصل ..
رحاب: ؟؟ ليش هو مو معاك ..؟؟
موسى : لا ليش؟؟
رحاب : اشلون؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
موسى: الحين مادري وين راح

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عندما حكي الشيطان 6 و 7
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Al-hussein Nectar :: •·.·°¯`·.·• (القسم الادبى) •·.·°¯`·.·• :: •·.·°¯`·.·• (منتديات القصص والروايات) •·.·°¯`·.·•-
انتقل الى: