الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 تابع عندم حكي الشيطان 3

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عذبة الروح
Admin
avatar

انثى
عدد الرسائل : 286
المزاج : أحبكم مــآآرآآ
السٌّمعَة : 0
تاريخ التسجيل : 07/02/2008

مُساهمةموضوع: تابع عندم حكي الشيطان 3   السبت 15 مارس 2008, 1:06 pm

الجزء الثالث :
رويدا يرقع قلبها لانها مو مطمئنه حق مرام..
مرام: انا اعرف عنك كثير يا رويدا وعارفه انك محتاجه .. وادري ان ودك في اشياء واجد بس ما تحصل لك .. علشان كذا حبيت اساعدك واخليك بس تشتهين شي تلقينه قدامك^^ ..
رويدا في تردد: بس كيف؟؟ ..
مرام: اعطيك كمن شغله واذا ما اعجبتك اغيرها لك ..
رويدا: وشو هالشغلات ؟ .
مرام: تعالي معي ..
رويدا: لا ما اجي لازم تقولين لي اول شنو هالشغلات ..
مرام : بدايه حلوه .. تعجبني هالشغله انك ما تثغين في احد .. طبعا شغلاتي شريفه وكلها طرب ووناسه..
رويدا: وشنو هالشغله اللي كلها طرب ووناسه ليكون رقاصه..
مرام: افاااا رويدا تشتغل رقاصه ما عاش من يقولها..
رويدا: وشنو هالشغلات؟؟
مرام: تسحبين اشرطة اغاني ..
رويدا: بس؟؟شغله حلوه .. خلاص انا موافقه............................................ ................................................
طبعا مو هذي الشغلات اللي بتداوم عليها روويدا.. بس مرام تمهد لها حق بعدين ..
رويدا: مشكوره مرام ما قصرتي .. الحين لازم اروح البيت ........... مرام خلاص بس بكرا تجيني بنفس الوقت علشان اخليكتسحبين هالاشرطه هنا بالبيت ولا تقولين حق اح عن الشغلات .. اذا تبين تستمرين معاي بالشغل لازم يكون شغلنا سري وتحافضين على السريه..
رويداk خلاص اعتمدي .. يلا باااي ..
مرام: لحظه ..؟
رويدا: شنو؟؟
مرام:لا بس حبيت اذكرك باسعار الشغل .. راح اقول لك عليه بكرا ..
رويدا: خلاص ..ــــــــــــــــــــــــــــــــــــــــــــــــ ـــــــــــــــــــــــــــــــــــــــــ رويدا في المنزل .: مروى رحاب عمتي سئلت عنك ..
مروى: انا بروح لها الليله ..
رويدا: ما اقدر اروح معك عندي شغل الليله ..
مروى: الله اكبر من متى انتي عندك شغل ..
رويدا: من الحين ..
مروى: طيب شنو اشغالك؟؟
رويدا: عاد هذي اللي ما احب اني اتكلم فيه لا تسئليني ..
مروى: الله يستر من اللي في راسك ..
رويدا: ما براسي شي انتي لا تحاتين .. رويدا ما ينخاف عليها رويدا ينخاف منها ..
مروى: في هذي صدقتي ^^ ..
ــــــــــــــــــــــــــــــــــــــــــــــــــ ـــــــــــــــــــــ نزلت مروى تحت وجلست جنب امها : يمه بروح بيت جدي تبين شي ؟
الام: انتبهي حق نفسك .. رويدا ما بتروح معاك ؟
مروى: لا .
وبعدها قامت الام بتتطمن على اعيالها راحت غرفة رويدا ..
الام: رويدا شفيك اليوم حبيسة غرفتك ما جلستي معانا..
رويدا: لاني اليوم والايام الجايه مشغوله يمه ..
الام: ليش ؟؟
رويدا: بنشغل اشوي في بعض الامور اللي تخصني ..
الام: ترى انا اخاف عليكم يا بنتي ودي انكم تشوفون طريقكم صح ..
رويدا: يمه انا المفروض تكونيني مطمئنه علي ما تحاتيني ؟؟ <<<<<<< حيل
الام: هذا اللي ابغاه .. يلا اخليك حبيبتي .
راحت الام غرفة موسى وشافته جالس على الكمبيوتر عاد لازم بتتفلسف اشوي هع قالت له: يا وليدي احذر شر هالكمبيوتر وابحث عن خيره ^^
موسى: يمه موسى ما يوصونه .. وصي حسن والا رويدا مو موسى ..
الام: عيب هذولا اخوانك الله يهديك بس ..
الام راحت غرفتها بترتب بعض الامور عندها ..
رويدا في الغرفه تتصل على مرام: توووووووت توت <<< صار القطار السريع مو تلفون خخخ
مرام : الو مين معي ؟؟
رويدا: هلا مرام ..
مرام : هلا رويدا عامله ايه ؟؟ <<< اه يا مصري ..
رويدا: تمام بس استنى بكرا علشان شغلي ..
مرام: ههههههههه .. تبين الحين اعطيك شغله؟؟
رويدا: حاظرين ما ورانا شي ..
مرام: بعطيك مجموعه ارقام تتصلين عليها وتعطينها خبر عن شغلك بكرا ..
رويدا: وش دخل ذولا في الشغل .. مرام : هذولا بيكونون موجودين ..
رويدا: بس ما اقدر اتصل من تلفون البيت ..
مرام: خلاص خلاص انا بدبر الموضوع ..
رويدا : ok ...........................
مروى في بيت الجد : رحاب حبيبتي انتوا بكرا معزومين عندنا تعالوا مو تقصون علينا ^^
رحاب: نجي ^^ انا من زمان ما شفت اخوي رياض بو حسن ..
مروى: بو حسن ^^ وحليلك ..
رحاب: احترمه ..
مروى: طيب عمتي الحين انا بمشي باي ولا تنسين العزيمه بكرا..
رحاب: ما ننسى .. مع السلامه
مروى وهي طالعه اتصلت على حسن وجواله مغلق .. فكرت انها تروح مشي اسمنه رياضه .. وراحت مشي وهي في الطريق مرت يمها اربع سيارات لاحضت ان هالسيارات تتمشى حولها .. مروى حست بالخوف وارتبكت وراحت في جهه سيارتين التقو فجاه وصارت مروى بوسطهم يعني صار لها حادث .. تخيلوهم عاد .. المهم الشباب خافو وانحاشو ومروى ضلت تنزف دم الى ما جا رجال وزوجته وانتبهو لها .. شالوها وطارو ابها المستشفى << فشيله . هناك ضلت زوجة الرجال جنبها .. اما في البيت ..
الام: حرام عليكم بنتي صار لها ساعتين من طلعت من بيت جدها .. روحو شوفوها.. طبعا وهي تصيح ..
رياض: ذكري ربك احنا تونا بنسئل عنها ان شاء الله مافي الا الخير ..
حسن : يمه مروى مو صغيره <<< وي عليك .
الام: صج بارد .. مو صغيره بس مو ولد .. مروى بنت . بنت ..
رويدا في خوف: يبه تكفى روح دور مروى ..
الام جات جنب رويدا وحضنتها و رويدا قامت تصيح .. الشيطان كان موجود: كوني قويه لا تبكين ..
رويدا فجاه وبصراخ: اشلون تبيني ما اصيح .. هذي اختي الوحيده.. انا وش يدريني اهي وين فيه ..
الكل مستغرب من تصرفها ؟
موسى شك لان ما نسى يوم تقول ان في شخص يكلمها بس ما تشوفه ...........................
في المستشفى مروى فتحت عيونها .. شافت المراه الطيبه اللي جنبها مبتسمه ابتسامه مريحه .. ابتسمت لها مروى :
منو انتي؟؟ وانا وين؟؟ ..
حنان: انا حنان .. انتي بالمستشفى انتي كنتي مرميه بالشارع ودمك عليك ....... شفناك انا وزوجي وحبينا نساعدك..
مروى: الحين تذكرت كنت جايه من بيت جدي وصدمتني سيارات شباب وبعدها ما اذكر وش صار..اي صج اهلي اكيد الحين يحاتوني .. الله يخليك ابي اكلم تليفون ......
حنان: ان شاء الله حبيبتي .. طلعت جوالها ..
حنان: تفضلي ..
مروى: مشكوره ^^
..توووت تووت .. الووو..
الام:الوووووووووووووووو مروى حبيبتي وينك خوفتينا عليك شذيه حبيبتي تسوين فينا .. اىء اهىء اه.<<<<<< ما اتحمل .
حسن سحب التلفون من يدها : مروى انتي وينك ؟؟
مروى: في المستشفى ..
حسن : اي مستشفى و ليش ؟؟
سمعت الام عاد بيغمى عليها ذي.. بنتي شفيها ؟؟
حسن : يمه نروح لها ونعرف هناك ..
بالمستشفى دخلو عائلة مروى ..
الام: بنيتي وتطب عليها زين ما ماتت ..
رويدا اللي بغت تموت يوم شافت اختها ..
الام: حبيبتي ليش انتي هنا ؟
مروى قالت لها على اللي صار .. وقالت لها انهم حاولو يبحثون عن اصحاب السيارات بس ما لقوهم ..
الام: اهم شي حبيبتي ما صار لك شي؟؟
مروى: لا يمه بس شوية كسور ..
جا موسى : اقول مروى ترى رويدا صاحت عليك ترى اهي ما تستغنى عنك ..
رويدا : انا مدري ليش السانك لا الحين موجود في فمك ..
مروى: هههههههه في هذي صدقتي ..
الام راحت تشكر حنان على مساعدتها لمروى .
حنان: بصراحه انا فرحانه لاني تعرفت على مروى .. خوش انسانه ^^
وبعدها الكل راح بيته وعائلة مروى حاولو يهتمون بمروى عدل ..
واليوم الثاني .. جا موعد شغل رويدا ...
رويدا على طول بيت مرام..
مرام: هلا رويدا جايه بكير ..
رويدا: لاني متحمسه على الشغل ..
مرام: تمام .. طيب تعالي الحين ربعي داخل يبون يشوفونك ..........
رويدا انصدمت ان اصدقاء مرام نصهم رجال .. رويدا صفعت مرام ..
رويدا : مابي اشتغل معك .. يا ااا .............. تافهه يا منحطه ..
وطلعت وهي منغثه من هالشي ..
في البيت .. الشيطان: ليش سويتي كذا؟؟ ..
رويدا في غضب : انا ما راح اسمع نصايحك انت شيطان <<<<<<<<< ما كذبتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تابع عندم حكي الشيطان 3
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Al-hussein Nectar :: •·.·°¯`·.·• (القسم الادبى) •·.·°¯`·.·• :: •·.·°¯`·.·• (منتديات القصص والروايات) •·.·°¯`·.·•-
انتقل الى: